ناس من كل مكان والله يعين

عدد المساهمات : 8 تاريخ التسجيل : 28/04/2009

تعا قرّب يا حباب .. التنك هالأيام صار ببلاش !!
إي إي التنك حاكم من كتر غلاوة الدهب والفضة الناس عم تطلي التنك و عم تلبسوا ألماس كمان مشان يلمع و يخلّي اللي بيفهم و اللي ما بيفهم يأشّر بإيدو و يقول ياسلام شو حلو .. إي يحلي وبرك و وبرو عند هالمسا اذا فيكون نظر
المهم يا جماعة عم اكتشف من هالحياة اللي عم تعلمنا كل يوم شي جديد إنو التنك هوي الغالب هالأيام , قال يا بعدي فلان ديّن وفلان أمين و علتان مافي منو تاري كلو حكي بحكي و الحكي ببلاش , والبلاش كتر منو ويا غافل إلك الله

الباب اللي بيجيك منو الريح فتحو ع الآخر و لا عشرة مسكرات !!
اي شايفين شو قصتي اليوم !!! , كل الأمتال مضروبة معي ، يمكن لأنو هالدنيا ما متل كل دنيا أو يمكن لأنو الناس غير الناس، هاي قال إذا نحنا حماصنة بيتمسخروا علينا و قال جدبان، قلتلهم يا أخي نحنا قلبنا طيب و ماعنّا لفّ ودوران ، قال لاء من دون لفّ ودوران مارح تعيش يا صفنان ، ورزق الله عالأيام اللي كنا فيها نسرح ونمرح ولا هم بهالقلب الولهان، المهم وبلا حكي كتير وطولة لسان : الحجر اللي ما بيعجبك زتو بالنهر و لا تسأل و بعمرك ما تناقش حمار متنكر بشخصية انسان لأنو العالم ما رح تفرق بيناتكن !!
بقعة ضوء بس اللمبة محروقة
قال يا ناس خلوني بحالي وحدي ومرتاح ببالي ، لاهوي مرتاح و لا غيرو أحسن
اي يا أستاذ الناس ماعم تخلي حدا من شرها ، لك المصيبة إنو هوي قال متضايق كتير , سألتو ليش ؟؟ قال والله عم يحكوا عليي بالعاطل !! ، وإذ من أول كلمة ما بشوفوا غير نازل بعرض هالناس من فلان لعلان وبالأخير مابدك ينحكى عليه !!!!!! اي حاجتك عاد لسّه ماسكلي الدين و عامل حالك شريف مكة و ما بتقطع وقت و نازل حكي و لعي , خاف ربك و احفظ لسانك و حاج ترمي الناس بكلام مالو وجود والشي اللي صايرلك اليوم بيجوز بكرا ينقلب عليك!!

هجرة القلوب إلى القلوب
حاجي كلام وخلينا بالإحساس، من يومين حكيت مع أعز رفقاتي، بيقللي قبل ما يبلش كلام أنا تعبت إيمتى بتجي ، قلتلو إن كنت إنتي تعبان فأنا بالأصل محتاج إلك جنبي لأنك الوحيد اللي بتفهمني ........ سكتنا شوي وبعدها كملنا كلام و كل مين حاسس بإنو هم التاني صار همو ونسي همو الأساسي صحيح المشكلة كبيرة بس الحمد لله في مين يحس فيني ويشيل معي همها
حلو كتير و شعور رائع أنك تحس إنو في انسان هوي بالنسبة إلك توأم روحك حتى لو صارت خلافات بينك و بينو , بس صدقني إذا بعّد عنك للحظة وحدة ممكن تحس الدنيا فاضية ..
أنا بحمد ربي كتير لأني لقيت هيك واحد و نصيحتي لإلكم إذا لقيتوه حافظو عليه لأنو مستحيل تلاقوه مرة تانية ..

» والله بطلت اشتري